विभिन्न चिनियाँ सामान सहित सिन्धुपाल्चोकको तातोपानी भन्सारबाट ३ जना पक्राउ ।।
प्रकाश सुन्दास,काभ्रेपलाञ्चोक
चीनसँग नेपालको एकमात्र व्यापारीक नाका सिन्धुपाल्चोकको तातोपानीबाट आज विहान सिमा सुरक्षा प्रहरी बल कोदारीले विभिन्न चिनियाँ सामान सहित ३ जनालाई पक्राउ गरेको छ । बा १ ख ७७३५ नम्बरको यात्रुबाहक बसको विभिन्न मागमा फल्सबटम बनाएर काठमाण्डु तर्फ ल्याउँदै गरेको अवस्थामा नियमित चेक जाँचको क्रममा प्रहरीले ३३ थान पोटेभल इभिडि, ३ सय ९० थान चिनियाँ कटनको जिन्सपाइन्ट बरामद गरेको हो । त्यस्तै ४० कार्टुन अवैध ह्वीस्की, बियर ४ कार्टुन र ५ कार्टुन टाइगर नामको मदिरा समेत बरामद गरेको सिमा प्रहरी चौकी लार्चाका प्रहरी निरीक्षक विश्व कार्कीले जानकारी दिनुभयो । पक्राउ पर्नेहरुमा सिन्धुपाल्चोक जिल्ला हगाम गाविस वडा नम्बर ८ का बस चालक २३ वर्षिय लालबहादुर तामाङ, फुल्फिङकट्टी गाविस वडा नम्बर १ का १६ वर्षिय सह चालक विजय लामा रहेका छन् । त्यसैगरी हगाम गाविस वडा नम्बर ७ का २९ वर्षिय बस तथा सामान धनी बसन्त तामाङलाई पनि प्रहरीले पक्राउ गरेको छ । निरीक्षक कार्कीका अनुसार पक्राउ परेका तीन जना, बस र सामानलाई आजै तातोपानी भन्सार कार्यालयमा बुझाइएको छ ।
0 comments
Write Down Your Responses
Thank's For Comment Mero Mind