काठमाडौं, फाल्गुन २०, एजेन्सीको सहयोगमा, वलिउडमा बनिरहेको नयाँफिल्म ‘हेट स्टोरी’को पोस्टरले यतिबेला वलिउड तताएको छ । विक्रम भट्टको नयाँफिल्म हेट स्टोरीमा रहेकी बंगाली नायिका पाओली डेमकी नाङ्गो ढाडसहितको पोस्टरले फिल्म प्रदर्शनमा आउनु अघि नै बजार तताएको बताइएको छ ।

विवेक अग्निहोत्रीले निर्देशन गरेको बोल्डफिल्म हेट स्टोरीमा बंगाली नायिका पाओलीका साथमा गुलशन देवद्यय र निखिल द्धिवेदी रहेका छन् । फिल्मको प्रचारका ल्याइएको भनिएको उक्त पोस्टरमा नायिका पाओलीले आफ्नो खुल्ला पीठ प्रर्दशन गरेकी छिन् । साथमा पाओलीको नाङ्गो ढाडमा केही शब्दहरु कोरिएका छन् । जसका कारण फिल्मले प्रदर्शन अघि नै तहल्का मच्चाएको बताइएको छ ।

वलिउड फिल्ममा पहिलोपल्ट अभिनय गरिरहेकी बंगाली नायिका पाओलीको अनुहार भने उक्त पोस्टरमा देखाइएको छैन । तर, फिल्मको अन्य तस्बीरहरुमा पाओलीलाई सुन्दर नायिकाकी रुपमा देख्न सकिन्छ । वलिउडमा विक्रम भट्ट हट फिल्म बनाउने निर्माताका रुपमा चिनिन्छन्