अफगानिस्तानमा नेटो आवद्ध ३ सैनिकको मृत्यु ।।

अफगानिस्तानमा एकै दिनमा नेटोसँग आवद्ध ३ सैनिकको मृत्यु भएको छ । आतङ्ककारीको आक्रमणमा एकै दिनमा नेटो आवद्ध अन्तर्राष्ट्रिय सुरक्षा सहयोग बलका तीन सदस्यहरूले ज्यान गुमाएको अधिकारीहरुले जनाएका छन् । अफगानस्तिानको दक्षिण क्षेत्रमा विष्फोटक पदार्थको विष्फोटनबाट एक सदस्य र पूर्वी क्षेत्रमा भएको त्यस्तै आक्रमणबाट अर्को सदस्य र तेस्रो सदस्यको आतङ्ककारी आक्रमणबाट मृत्यु भएको छ । अन्तर्राष्ट्रिय सुरक्षा सहयोग बलको नीति अनुसार ज्यान गुमाएका ती सैनिकको राष्ट्रियता र विस्तृत विवरण भने खुलाइएको छैन । अफगानिस्तानमा तालिवानसँग आवद्ध आतङ्ककारी विरुद्ध युद्धरत नेटोसँग आवद्ध एक लाख ३० हजार सैनिक छन् । अफगानिस्ताबाट प्रायजसो विदेशी सैनिकहरू सन् १०१४ को अन्त्यसम्ममा फर्काइने उल्लेख छ ।

Labels: News