म नेताका सात दिन

सम्झना नेपाल 


आइतबार बिहान बन्दुक भिदै उठे म
ढिँच्या ढिँच्या पारेर जंगल भित्र छिरे म
सोमबार बिहानै जनता थकाएँ
दुई चार सपुत मार्नलाई गोली पड्काएँ
मंगलबार बिहानै चर्चामा आएँ म
एकै झड्का लागिगो झन्न भएँ म
बुधबार बिहानै रिसोर्ट छिँरे है
धेरै सँग बसेँ अनि वार्ता गरेँ है
बिहिबार संसदको चुनाव लडें म
चुनाव जितें मन्त्री भएँ  विदेश गएँ म
शुक्रबार बिहानै घुस खाइयो
दुइ चार वटा महल पनि यसै बनाइयो
शनिवार बिहानै सत्ता ढलिगो
मेरो प्यारो कुर्सीमा अर्कै चढि गो
यसरी नै बिते मेरा सात बार सात नि
भन जनता कस्ता रहे तिम्रा सात दिन ?

Labels: साहित्य