३ दिनमा ३ बलात्कार
दाङमा शुक्रबार र शनिबार दुई किशोरीमाथि बलात्कार भएको छ । दाङको तुलसीपुरस्थित बसपार्कमा शनिबार १७ वर्षीया यूवतीमाथि सामुहिक बलात्कार भएको हो ।
दाङ पवननगरकी किशोरीलाई राति तुलसीपुर बसपार्कमा युवकहरुले सामुहिक बलात्कार गरेका हुन् । बसभित्र चार जनाको समूहले ती किशोरीलाई बलात्कार गरेको छ । उनीहरुलाई प्रहरीले नियन्त्रणमा लिएको छ । पक्राउ पर्नेहरूमा वीरवहादुर खत्री, युवराज डाँगी, चन्द्र डाँगी र अर्जुन योगी छन् ।
यस्तै दाङकै तुलसीपुरमा १५ वर्षीया किशोरी बलात्कृत भएकी छिन् । गोल्टाकुरी ८ घर भएकी किशोरीलाई तुलसीपुरबाट घर जाने क्रममा शुक्रबार अपरान्ह ढकनाको जंगलमा मुख छोपेर पुगेका चार जना युवाहरुले बलात्कार गरेका थिए ।
एसएलसी मौका परीक्षाका लागि तुलसीपुरमा बसेर तयारी गरिरहेकी किशोरीलाई उनीहरुले बलात्कार गरेका हुन् । उनको अहिले राप्ती अञ्चल अस्पताल तुलसीपुरमा उपचार भइरहेको छ ।
यस्तैगरी, नवलपरासीमा पनि एक बालिकामाथि बलात्कार भएको छ । नवलपरासी कुडिया ८ कि बालिकामाथि विहीबार बलात्कार भएको बालिकाका आफन्तले बताएका छन् । उनलाई विहीबार उखुबारीमा अचेत अवस्थामा भेटिएको हो ।
अहिले बालिकालाई परासीस्थित महिला विकास कार्यालयको अल्पकालीन सेवा केन्द्रमा राखिएको केन्द्रकी संयोजक निशा चौधरीले जानकारी दिइन् । उनी १७ गतेदेखि सम्पर्कमा थिइनन् ।
0 comments
Write Down Your Responses
Thank's For Comment Mero Mind