च्यालेन्ज कपमा आज पनि २ खेल ।।

राजधानिमा जारी एएफसी च्यालेन्ज कप फुटबल प्रतियोगिता अन्तर्गत आज पनि २ वटा खेल हुँदैछन् । पहिलो खेलमा ताजिकिस्तान र उत्तर कोरिया ३ बजे हलचोक मैदानमा भिड्दैछन् । त्यस्तै बेलुका ५ बजे दशरथ रंगशालामा फिलिपिन्स र भारत भिड्ने छन् । यसअघि हिजो सम्पन्न खेलमा नेपाल माल्दिभ्ससँग १—० गोलको हारसंगै प्रतियोगिताबाट बाहिरिएको थियो । पहिलो संस्करणमा सेमिफइनलसम्म पुगेको नेपाल यसपटक भने असफल भएको छ । नेपालले अब अर्थहिन आफ्नो तेस्रो खेल तुर्कमेनिस्तानसँग प्रतिस्पर्धा गर्नेछ । त्यस्तै हिजो नै भएको अर्को खेलमा प्यालेस्टाइन र तुर्कमिनिस्तानले गोल रहित बराबरी खेलेका थिए । तुर्कमिनिस्तान र प्यालेस्टाइन समान ४—४ अंकका साथ समूहको शीर्ष स्थानमा छन् । मादिभ्सको ३ अंक छ । लगातार दोस्रो हारपछि नेपाल पुछारमा छ । समूहको अन्तिम दिनको खेलमा माल्दिभ्सले प्यालेस्टाइनको सामना गर्नेछ भने नेपाल तुर्कमिनिस्तानसँग भिड्ने छ । नेपाल सामु अब तुर्कमिनिस्तानलाई प्रतियोगिताबाट बाहिर पठाउने मौका भने हुनेछ ।

Labels: